ថៃ្ងទី ០៤ សីហា ឆ្នាំ២០១២
ដោយ សុវណ្ណរតន
ក្រុងឡុងដ៍ៈ ចក្រ​ភព​អង់​គ្លេស​សន្យា​នឹង​ផ្តល់​ជំនួយ​មិន​មែន​ជា​យោធា​ដល់​ក្រុម​ឧទ្ទាម​ស៊ីរី​កាល​ពី​ថ្ងៃ​សុក្រ​នេះ បន្ទាប់​ពី​ការ​លាលែង​របស់​បេសក​ជន​ពិសេស​លោក Kofi Annan ដែល​បាន​បរាជ័យ​បែប​ការ​ទូត​អន្តរជាតិ​ក្នុង​ការ​បញ្ឈប់​ជម្លោះ​អស់​ពេល ១៧​ខែ​មក​ហើយ​ក្នុង​ប្រទេស​ស៊ីរី។

ប្រមុខ​ការ​ទូត​ប្រទេស​អង់​គ្លេស​លោក William Hague បាន​ប្រាប់​វិទ្យុ BBC​ថា «នោះ​មិន​មែន​មាន​ន័យ​ថា ពួក​យើង​បោះ​បង់​ការ​ចរ​ចារ​ការ​ទូត​នោះ​ទេ។ ពួក​មិន​បោះ​បង់​ចោល​ការ​ចរចារ​ការ​ទូត​ជាមួយ​ប្រទេស​រូស្ស៊ី និង​ចិន​ឡើយ ប៉ុន្តែ​ពួក​យើង​ក៏​នឹង​ចាប់​ផ្តើម​ធ្វើ​រឿង​ផ្សេង​ដែរ»។

ទីក្រុង​ម៉ូស្គូល និង​ពេកាំង​តែង​តែ​ប្រឆាំង​នឹង​លោក​ខាង​លិច​និង​ពិភព​អារ៉ាប​ថា​ជួយ​គាំទ្រ​ពួក​ក្រុម​បោះបោរ ដែល​កំពុង​បង្កើន​ការ​បង្ហូរ​ឈាម​ដាក់​គ្នា ដែល​អាច​ឈាន​ដល់​ការ​បញ្ចេញ​ប្រធានា​ធិបតី​ប្រទេសស៊ីរីBashar al-Assad។ ទីក្រុង​ម៉ូស្គូល និង​ពេកាំង​និយាយ​ថា ការ​ដាក់​សំពាធ​គួរ​តែ​ធ្វើ​ឡើង​លើ​ភាគី​ទាំង​សង​ខាង​ដើម្បី​បញ្ឈប់​អំពើ​ហឹង្សា។

លោក Assad ធ្លាប់​បាន​និយាយ​ថា ក្រុម​ពួក​ឧទ្ទាម​ទាំង​នោះគឺ​ជា​ក្រុម​ភារវកម្ម​ដែល​មាន​បរទេស​គំាទ្រ​ពី​ក្រោយ ហើយ​កង​ទាហាន​របស់​លោក​គឺ​ប្រឆាំង​ដើម្បី​ធ្វើ​ឲ្យ​មាន​ស្ថេរភាព​វិញ។

ប្រទេស​អង់​គ្លេស និង​សហរដ្ឋ​អាមេរិក​បាន​បន្ទោស​ប្រទេស​រូស្ស៊ី​និង​ចិន ចំពោះ​ការ​បរាជ័យ​បេសកម្ម​សន្តិ​ភាព​របស់​លោក Annan ដែល​តំណាង​ឲ្យ​អង្គ​ការ​សហ​ប្រជា​ជាតិ និង​សម្ព័ន្ធ​អារ៉ាប។​
Reuter/ កាសែតខែ្មរ