ថៃ្ងទី ២៧ មករា ឆ្នាំ២០១២
ដោយ សុវណ្ណរតន(ព័ត៌មានសំខានៗ)
ក្រុងវ៉ាស៊ីន​តោនៈ​ ហ្វីលីពីន កំពុង​តែ​ចរចា​ជា​មួយ​រដ្ឋា​ភិបាល​អាមេរិក​ លើ​ការ​បង្កើន​វត្តមាន​​យោធា​របស់​ខ្លួន​នៅ​ក្នុង​​ប្រទេស​អាស៊ី​​អាគ្នេយ៍​​ជា​ការ​ឆ្លើយ​តបទៅ​នឹង​ភាព​ដាច់​ខាត​​កាន់តែ​ខ្លាំង​ឡើង​​ៗ​របស់​ចិន​។ នេះ​បើតាម​ការ​រាយការ​ណ៍​របស់​ កាសែត​​វ៉ាស៊ីន​តោន​ប៉ុស្តិ៍ កាល​ពី​ថ្ងៃ​ព្រហស្បតិ៍​។

នៅ​ប៉ុន្មាន​ខែ​ថ្មី​​ៗ​នេះ ​អាមេរិក បានប្រកាស​​ផែន​ការ​ជា​ច្រើន​​ដើម្បី​បង្កើត​មូល​ដ្ឋាន​​ទាហាន​ជើងទឹក​​នៅ​អូស្រ្តាលី​ខាង​ជើង និង​កំពង់​ផែ​នាវា​ចម្បាំង​​នៅ​សិង្ហ​បុរី ជា​ទង្វើ​ដែល​​ចិន​មើល​ឃើញ​ថា ​ជា​​ការ​ប៉ុន​ប៉ង​​របស់​​អាមេរិក​កាន់​តែ​ច្រើន​ឡើង​ៗ​ ដើម្បី​ឡោម​ព័ទ្ធ​ខ្លួន​ ខណៈ​ដែល​ខ្លួន មាន​ឥទ្ធិ​ពល​ខ្លាំង​នៅ​​ក្នុង​តំបន់​។…(ព័ត៌​មាន​ពិស្ដារ មាននៅ​ក្នុង​កាសែត​ភ្នំពេញ ប៉ុស្តិ៍ ថ្ងៃស្អែក)

ថៃ្ងទី ២៦ មករា ឆ្នាំ២០១២
ដោយ សុវណ្ណរតន(ភ្នំពេញប៉ុស្តិ៍)
លោក ដាវីដ សែហ្វឺ នៅ​ក្នុង​សន្និសីទ​កា​សែត ​នៅ​ភ្នំ​ពេញ​ កាល​ពី​ម្សិល​មិញ​។ រូបថត ផា លីណា
ភ្នំពេញៈ អ្នក​ជំនាញ​របស់​អង្គការ​សហ​ប្រជាជាតិ​ បាន​ថ្លែង​កាល​ពី​ថ្ងៃ​ពុធ​ម្សិលមិញ​ថា ចៅក្រម​សាលា​ក្តី​ខ្មែរ​ក្រហម លោក Laurent Kasper-Ansermet មាន​អំណាច​យ៉ាង​ច្បាស់​ក្នុង​ការ​បំពេញ​តួនាទី​ជា​សហ​ចៅក្រម​ស៊ើប​អង្កេត នៅ​សាលាក្តី​កូន​កាត់​នេះ ទោះ​បី​មាន​ការ​ជំទាស់​ពី​សំណាក់​ឧត្តម​ក្រុម​ប្រឹក្សា​នៃ​អង្គ​ចៅក្រម​មិន​តែងតាំង​គាត់​ក្តី។

អ្នក​ជំនាញ​ពិសេស​របស់​អង្គការ​សហ​ប្រជាជាតិ​នៃ​សាលា​ក្តី លោក ដាវីដ សែហ្វឺ បាន​ថ្លែង​ក្នុង​សន្និសីទ​កាសែត​ថា ក្រោម​កិច្ច​ព្រម​ព្រៀង​ឆ្នាំ ២០០៣ ដែល​បង្កើត​តុលាការ​នេះ ការ​សម្រេច​តែង​តាំង​ចៅក្រម​អន្តរជាតិ គឺ​អាស្រ័យ​លើ​សិទ្ធិ​សម្រេច​របស់​លោក បាន គីមូន អគ្គលេខាធិការ​អង្គការ​សហ​ប្រជាជាតិ មិន​មែន​ឧត្តម​ក្រុម​ប្រឹក្សា​នៃ​អង្គ​ចៅក្រម​នោះ​ទេ។

លោក សែហ្វឺ បាន​បន្ត​ថា លោក​បាន​បង្ហាញ​ជំហរ​នេះ​យ៉ាង​ច្បាស់​ក្នុង​ពេល​ពិភាក្សា​ជាមួយ​លោក​ឧប​នាយក រដ្ឋ​មន្ត្រី សុខ អាន កាល​ពី​រាត្រី​ថ្ងៃ​អង្គារ ដែល​ធ្វើ​ឡើង​ក្រោយ​មាន​ការ​ថ្កោល​ទោស​យ៉ាង​ខ្លាំង​ពី​ការិយាល័យ​របស់​លោក បាន គីមូន កាល​ពី​សប្តាហ៍​មុន​ទៅ​លើ​សេចក្តី​ប្រកាស​ដែល​ថា ឧត្តម​ក្រុម​ប្រឹក្សា​នៃ​អង្គ​ចៅក្រម​បដិសេធ​ការ​តែង​តាំង​លោក Kasper-Ansermet។

ថៃ្ងទី ២៣ មករា ឆ្នាំ២០១២
ដោយ សុវណ្ណរតន(កាសែតខែ្មរក្នុងស្រុក)
កាលពីថៃ្ងទី ២១ មករា តាម AFP និង AP ក្នុងកិច្ចសម្ភាសន៍
លើកដំបូងបំផុត រវាងសារព័ត៌មានបរទេស
(កាសែតវ៉ាស៊ីនតោន) ប្រធានាធិបតីភូមា
Thein Sein បានបង្ហាញកិច្ចសន្យាថា
ប្រទេសលោក នឹងមិនដើរបញ្ច្រាស់មាគ៌ា
ប្រជាធិបតេយ្យឡើយ។
ព្រមជាមួយនោះ ប្រធានាធិបតីភូមា ក៏បានអំពាវនាវបណ្តាប្រទេសលោកខាងលិច លុបចោលបណ្តាវិធានការដាក់ទណ្ឌកម្ម ដែលលោកចោទប្រកាន់ថា វាបានធ្វើជាឧបសគ្គសំរាប់កិច្ចប្រឹងប្រែងកែទម្រង់។

លោក Thein Sein ពោលថាៈ សាររបស់ខ្ញុំ គឺភូមាកំពុងដើរតាមផែនទីនាំផ្លូវមួយត្រឹមត្រូវ ក្នុងការឆ្ពោះទៅរកលិទ្ធិប្រជាធិប- តេយ្យ ហើយគ្មានបំណងដើរបញ្ច្រស់ផែនទីនាំផ្លូវនេះទេ។

រដ្ឋាភិបាលភូមា បានធ្វើឲ្យអ្នកឃ្លាំមើលអន្តរជាតិភ្ញាក់ផ្អើល ចំពោះការកែទម្រង់ជាបន្តបន្ទាប់ រួមទាំងការចរចារជាមួយមេដឹកនាំ ប្រឆាំង Aung San Sau Kyi -តួអង្គដែលត្រូវបានអនុញ្ញាតិឲ្យចូលរួមការបោះឆ្នោតបន្ថែមដែលមានគំរោងប្រព្រឹត្តទៅ នៅខែ មេសា ខាងមុខ ហើយក៏បានផ្តល់សេរីភាព ឲ្យទណ្ឌិតនយោបាយរាប់រយនាក់៕

ថៃ្ងទី ១៩ មករា ឆ្នាំ២០១២
ដោយ មុំសុគន្ធា (ភ្នំពេញប៉ុស្តិ៍)
ក្រុង​វ៉ាស៊ីនតោនៈ អាមេរិក ជប៉ុន និង​កូរ៉េ​ខាង​ត្បូង កាល​ពី​ថ្ងៃ​ពុធ បាន​ជំរុញ​ឲ្យ​កូរ៉េ​ខាង​ជើង​ប្តេជ្ញា​ចិត្ត​ជាថ្មី​ ក្នុង​ការ​បោះបង់​អាវុធ​នុយក្លេអ៊ែរ​ ចំ​ពេល​មាន​ក្តី​បារម្ភ​យ៉ាង​ជ្រាលជ្រៅ បន្ទាប់​ពី​មរណភាព​លោក​គីម ជុងអ៊ីល។

ក្នុង​សេចក្តី​ថ្លែង​ការណ៍​មួយ​ ក្រសួង​ការ​បរទេស​អាមេរិក បាន​និយាយ​ថា ក្រុម​មន្រ្តី​អាមេរិក ជប៉ុន និង​កូរ៉េ​ខាង​ត្បូង ដែល​កំពុង​ជួប​គ្នា​នៅ​ក្រុង​វ៉ាស៊ីនតោន បាន​បញ្ជាក់​ជា​ថ្មី​ពី​ការ​ប្តេជ្ញា​ចិត្ត​របស់​ពួក​គេ​លើ​ កិច្ច​ចរចា​ស្តី​ពី​កិច្ច​ប្រឹងប្រែង​ឆ្ពោះ​ទៅ​រក​ការ​បំបាត់​អាវុធ នុយក្លេអ៊ែរ​ក្នុង​ចរិត​ដោយ​សន្តិវិធី។

សេចក្តី​ថ្លែង​ការណ៍​នេះ បាន​បន្ត​ទៀត​ថា​៖ «​យើង ក៏​បាន​យល់​ព្រម​ថា​ផ្លូវ​នៅ​តែ​បើក​ចំហ សម្រាប់​កូរ៉េ​ខាង​​ជើង​ឆ្ពោះ​ទៅ​រក​ការ​បន្ត​ឡើង​វិញ​នូវ​កិច្ច​ចរចា ​និង​ការ​ពង្រឹង​ទំនាក់​ទំនង​ជាមួយ​អាមេរិក​ ជប៉ុន និង​សាធារណ​រដ្ឋ​កូរ៉េ តាម​រយៈ​កិច្ច​ចរចា​ទាំង​ឡាយ»​។

ថៃ្ងទី ១៩ មករា ឆ្នាំ២០១២
ដោយ សុវណ្ណរតន(ភ្នំពេញប៉ុស្តិ៍)
ក្រុង​បាង​កកៈ មេ​ដឹក​នាំ​នាំ​ភ្លើង​​អាវ​ក្រហម​​ម្នាក់​​ ដែល​គេ​ចោទប្រ កាន់​ពី​បទ​ភេរវ​កម្ម​ជុំ​វិញ ចលនា​នៃ ការ​តវ៉ា​ឆ្នាំ​២០១០​ ត្រូវ​បាន​តែង​តាំង​​ទៅ​ក្នុង​គណៈ​រដ្ឋ​មន្រ្តី​​របស់​ថៃ កាល​ពី​ថ្ងៃ​ពុធ ហើយ​អ្នក​ទី​ពីរ​ដែល​​ ត្រូវ​បាន​គេ​តែង​តាំង​ គឺ​ស្ត្រី​ពាណិជ្ជ​ករ​ម្នាក់​​ ដែល​ត្រូវ​បានគេ​ចុះ​បញ្ជី​ខ្មៅ​ពី​ការ​ធ្វើ​ជំនាញ​ហិរញ្ញ​វត្ថុ​អាមេ រិកជាច្រើន​។

អនុ​រដ្ឋ​មន្រ្តី​ក្រសួង​​កសិ​កម្ម​​​ថ្មី​​ គឺ​លោកណាថា​ថុធ សៃកឿ ជា​វាគ្មិន​អុក​ឡុកម្នាក់​ដែល​​ធ្លាប់​ជា​មេ​ដឹក​នាំ​សំខាន់​ម្នាក់ នៃក្រុម​អ្នក​តវ៉ា​ដែល​ការ​​កាន់​​កាប់​​សង្កាត់​ពាណិជ្ជ​កម្ម​ក្រុង​បាង​កក​ពីរ​ខែ​របស់​ពួក​គេ បាន​បញ្ចប់​ជា​មួយ​នឹង​ការ​បង្ក្រាប​ខាង​យោធា​សម្លាប់​​មនុស្ស​ច្រើន​។​លោក ត្រូវ​បាន​គេ​មើល​ឃើញ​ថា​ជា​​ជន​​ស្មោះត្រង់​កំពូល​ម្នាក់​របស់​​អតីត​នាយក​រដ្ឋ​មន្រ្តី​លោក ថាក់ ស៊ីន​ ដែល​ជា​មនុស្ស​​ម្នាក់​នៅ​ចំ​កណ្តាល​នៃ​ការបែក​បាក់​នយោ​បាយ ​​ដែល​ត្រូវ​បាន​គេ​ទម្លាក់​ក្នុង​រដ្ឋ​ប្រហារ​​កាល​ពី​ឆ្នាំ​២០០៦​។

ព្រះ​មហា​ក្សត្រ ​ភូ​មី​បុល​ អា​ឌុល​យ៉ា​ដេត​​ បាន​​អនុម័ត​ជា​ផ្លូវ​ការលើ​ការ​តែង​តាំង​​រដ្ឋ​មន្ត្រី​​​ថ្មី​​​ចំនួន​១០​នាក់ និង​ការ​ផ្ទេរ​តំណែង​រដ្ឋ​មន្រ្តី​៦​នាក់​កាល​ពី​ថ្ងៃ​ពុធ​នៅ​ក្នុង​ការ​រុះ​រើ​គណៈ​រដ្ឋ​មន្រ្តី​​មួយ​។

បន្ទាប់​ពី​​ការ​ចរចា​៤​ម៉ោង លោក ហ្សា​កូស៊ី បាន​ថ្លែងថា រដ្ឋ​នេះ​នឹង​បង្កើន​ការចូល​រួម​ចំណែក​របស់​ខ្លួន​សម្រាប់​​ការ​បណ្ដុះ​បណ្ដាល​​ការ​ងារ និង​​ផែនការ​បាត់​អាជីព​មួយ​ផ្នែក​ដែល​គេ​ប្រើតិច​តួច​​ដើម្បី​​ជួយ​ដល់​បណ្តា​ក្រុម​ហ៊ុន​​បន្ត​ផ្តល់​ការ​ងារ​ដល់​​កម្មករ​​​ ក្នុង​​ពេល​មាន​ការ​​ធ្លាក់​ចុះ​សេដ្ឋ​កិច្ច​។

ថៃ្ងទី ១៥ មករា ឆ្នាំ២០១២
ដោយ មុំសុគន្ធា
ព្រឹត្តិការណ៍ទាំងឡាយកើតឡើង
ផ្ទួនៗគ្នា ជាអារ៍ៈ ការរៀបចំ និង
ដំណើរការដាក់ទណ្ឌកម្មរបស់
អាមេរិក និងលោកខាងលិច ទៅលើអ៊ីរ៉ង់ ក្រុងតេអេរ៉ង់ ព្រមានពីវត្តមាននាវាផ្ទុកយន្តហោះរបស់អាមេរិក នៅក្រៅឈូងសមុទ្រពែក្ស សាលក្រមប្រហារជីវិត ចំពោះភ្នាក់ងារចារកិច្ចសញ្ជាតិ២ (អាមេរិក-អ៊ីរ៉ង់) ការធ្វើឃាតលើអ្នកវិទ្យាសាស្រ្តនុយក្លេអ៊ែរអ៊ីរ៉់ងជាលើកទី២… បានទាញអារម្មណ៍ឲ្យគេផ្តោតឃើញវិបត្តិនេះ កំពុងវិវត្តដល់កំរិតគ្រោះថ្នាក់បំផុត។
សេចក្តីប្រកាសរបស់អ៊ីរ៉ង់ កាលពីសប្តាហ៍មុន ជុំវិញបញ្ហាប្រទេសនេះ ផលិតបាន Uranium កំរិត ២០% បញ្ជាក់ថា រដ្ឋការក្រុងតេអេរ៉ង់ បានសំរេចចិត្តជុំរុញល្បឿននៃកម្មវិធីនុយក្លេអ៊ែររបស់ខ្លួន -ក៏ជាបញ្ហាខ្វែងគំនិតស្នូល រវាងរដ្ឋអ៊ីស្លាមមួយនេះ និងលោកខាងលិច។

ផ្តើមពីការរំកិលនៃលទ្ធភាព ដែលអាមេរិក ឬ អ៊ីស្រាអែល អាចវាយប្រហារតាមដែនអាកាសទៅលើមូលដ្ឋាននុយក្លេអ៊ែររបស់អ៊ីរ៉ង់ ឈានដល់បញ្ហាគំរាមបិទច្រក Hormuz ពីសំណាក់អ៊ីរ៉ង់ បណ្តាលឲ្យបញ្ហានេះ ក្លាយជាដំណើរគូថខ្យងមួយ ដែលកួចយកតាមបញ្ហា២ស្របគ្នា។ ម្ខាង គឺហ៊ុំព័ទ្ធសេដ្ឋកិច្ច និង ម្ខាងទៀត គឺការប្រឹងប្រែង ដើម្បីអភិវឌ្ឍន៍នុយក្លេអ៊ែរ ដើម្បីទប់ទល់។ គេអាចនិយាយបែបម្យ៉ាងទៀតថា ព្រឹត្តិការណ៍ថ្មីៗកើតឡើង នាំឲ្យការប្រឈមមុខកាន់តែខ្លាំង ហើយការប្រឈមមុខកាន់តែខ្លាំង ធ្វើឲ្យជម្លោះក៏កាន់តែធ្ងន់ធ្ងរទៅៗ។

ថៃ្ងទី ១៥ មករា ឆ្នាំ២០១២
ដោយ មិត្តប្រជាប្រិយ(កាសែតក្នុងស្រុក)
អាមេរិកកំពុងបញ្ជូនកងកម្លាំង
យោធា ទៅកាន់មជ្ឈឹមបូព៌ា
ហើយចាត់នាវាផ្ទុកយន្តហោះ
ចូលកៀកតំបន់ច្រកសមុទ្រ Hormuz ដែលកំពុងតឹងតែងយ៉ាងស្ងៀមស្ងាត់។
មន្ទីរបញ្ចកោណ កំពុងបញ្ជូនទ័ពជាច្រើនកងពល និង នាវាប្រយុទ្ធឡោមព័ទ្ធអ៊ីរ៉ង់យ៉ាងសម្ងាត់ បើតាមការឲ្យដឹងរបស់កាសែត The Los Angeles Times (LAT) កាលពីម្សិលមិញ។

បច្ចុប្បន្ន មានទាហានអាមេរិក ១៥.០០០ នាក់ កំពុងស្ថិតក្នុងបន្ទាយនៅកូវែត រង់ចាំប្រតិបត្តិការទៅកាន់អ៊ីរ៉ង់ ពេលមានបញ្ជារ។ ក្រៅពីនោះ នៅមានវត្តមានដ៏គគ្រឹកគគ្រេង នៃនាវាផ្ទុកយន្តហោះ ៣គ្រឿង នៅតំបន់ឈូងសមុទ្រនោះដែរ។ យោធភ័ណ្ឌទាំងនេះ ពុំទាន់និយាយដល់នាវាប្រយុទ្ធ នាវាល្បាត ដែលអមដំណើរផង។