ថៃ្ងទី ១៦ ឧសភា ឆ្នាំ២០១២
ដោយ សុវណ្ណរតន
បើ​ទោះ​បី​ជា​ក្រុម​អ្នក​វិភាគ យល់​ថា ការ​ដែល​សកម្មជន​គណបក្ស​សមរង្ស៊ី រាប់​រយ​នាក់ បាន​បន្ត​ដឹក​ដៃ​គ្នា ទៅ​ចុះ​ចូល​ជាមួយ​គណបក្ស​ប្រជាជន នឹង​មិន​ផ្តល់​ផល​ប៉ះពាល់​ដល់​គណបក្ស​ប្រឆាំង​នេះ​ក្តី ក៏​ពួក​គេ​មើល​ឃើញ​ថា ​មេ​ដឹក​នាំ​គណបក្ស​ប្រឆាំង គួរ​ផ្លាស់​ប្តូរ​របត់​នយោបាយ​របស់​ខ្លួន ហើយ​វិល​ចូល​ស្រុក​វិញ ជា​អ្វី​ដែល​អ្នក​វិភាគ​បាន​ចង្អុល​បង្ហាញ​ថា អាច​ទទួល​បាន​ផល​ច្រើន ​ជាង​ការ​រស់នៅ​និរទេស​ខណៈ​ការ​បោះឆ្នោត​ក្រុម​ប្រឹក្សា​ឃុំ សង្កាត់​នឹង​ចូល​មក​ដល់​នៅ​ដើម​ខែ​ក្រោយ​នេះ។

ការ​លើក​ឡើង របស់​ក្រុម​អ្នក​វិភាគ​នេះ គឺ​ស្រប​ពេល​ដែល​មជ្ឈដ្ឋាន​ជាច្រើន​យល់​ថា គណបក្ស​ប្រជាជន អាច​នឹង​នៅ​តែ​ឈ្នះ​ឆ្នោត​ភ្លូក​ទឹក​ភ្លូក​ដី ដែល​យ៉ាង​ហោច​ណាស់ ក៏​ដូច​ការ​បោះឆ្នោត​ជាតិ ឆ្នាំ ២០០៨ ​ដែរ​ ដែល​អាច​ធ្វើ​ឲ្យ​គណបក្ស​កាន់​អំណាច​៤ អាណត្តិ​មក​ហើយ​មួយ​នេះ នៅ​តែ​អាច​បន្ត​ជិះ​សេះ​លែង​ដៃ (ធ្វើ​អ្វី​បាន​តាម​ចិត្ត​) ដូច​នៅ​ក្នុង​អាណត្តិ​ទី ៤ នេះ​ទៀត ខណៈ​ដែល​បក្ស​ប្រឆាំង​ពីរ មិន​ព្រម​រួប​រួម​គ្នា ហើយ​សកម្ម​ជន​គណ​បក្ស​សម រង្ស៊ី ដែល​គេ​រាយការណ៍​ថា មាន​រហូត​ដល់​រាប់​រាប់​រយ​​នាក់ បាន​បន្ត​ទៅ​ចុះ​ចូល​ជា​មួយ​បក្ស​ប្រជាជន ស្រប​ពេល​ដែល​មេ​បក្ស​ប្រឆាំង​មួយ​នេះ នៅ​តែ​បន្ត​ជ្រើស​រើស​យក​ផ្លូវ​រស់នៅ​និរទេស​ខ្លួន។

ថៃ្ងទី ១០​ឧសភា ឆ្នាំ២០១២
ដោយ សុវណ្ណរតន
ភ្នំពេញ: ប្ដីៗ​របស់​សកម្មជន​ស្ដ្រី​បឹងកក់ បានទទួល​រង​នូវ​ការគំរាមកំហែង​បណ្ដេញ​ចេញពី​ការងារ ពី​សំណាក់​ក្រុម​ចៅហ្វាយនាយ​របស់​ពួកគេ ដោយសារតែ​ការ​បណ្ដែតបណ្ដោយ​ឲ្យ​ប្រពន្ធ ធ្វើការ​តវ៉ា​ក្នុង​រឿង​ទំនាស់​ដីធ្លី​ជាមួយ​ក្រុមហ៊ុន ស៊ូ​កា គូ​អ៊ី​ន ហើយ​ក្រុម​បុរស​ជា​ប្ដី​ទាំងនោះ ត្រូវបាន​ស្ដីបន្ទោស​ថា “​ការ​បណ្ដោយ​ឲ្យ​ប្រពន្ធ​របស់​ពួកខ្លួន ចេញមក​តវ៉ា​នៅមុខ​សាលាក្រុង​ភ្នំពេញ និង​តវ៉ា​នៅ​កន្លែង​ផ្សេងៗ​នោះ ធ្វើ​ឲ្យ​ប៉ះពាល់​ដល់​មុខមាត់​រាជរដ្ឋាភិបាល​”​។ ទង្វើ​គំរាម​បែបនេះ ត្រូវបាន​ក្រុម​សិទ្ធិមនុស្ស​រិះគន់ថា ជាការ​ដាក់​គំនាប​ផ្នែក​ស្មារតី​ទៅលើ​បុរសៗ​ជា​ប្ដី​។​

​អ្នកស្រី ទេព វ​ន្នី សកម្មជន​តវ៉ា​ដីធ្លី​នៅ​តំបន់​បឹងកក់ បាន​និយាយថា ស្រី​ដែលមាន​ប្ដី​ធ្វើជា​មន្ត្រីរាជការ ត្រូវបាន​គេ​គំរាមកំហែង​ថា បើសិនជា​នៅតែ​ឲ្យ​ប្រពន្ធ​ទៅ​តវ៉ា​ទៀត គេ​នឹង​ឈប់​ឲ្យ​ប្ដី​ធ្វើការ គេ​ដកចេញ​។ ទាក់ទិន​នឹង​ការ​គំរាម​ផ្នែក​ស្មារតី​ទៅលើ​ប្ដី​ពួកខ្លួន​បែបនេះ អ្នកស្រី ទេព វ​ន្នី បាន​បញ្ជាក់ថា “​ឥឡូវ​ពួកគាត់​នឹង​សម្រេចចិត្ត​ហើយ លែងលះ​ជាមួយ​ប្ដី​គាត់ ពីព្រោះ​អី​ពួកគាត់​មិនអាច​ឈប់​តវ៉ា​បានទេ ដើម្បី​ផ្ទះ ហើយ​ផ្ទះ​នេះ​ក៏​សម្រាប់​កូន និង​សម្រាប់​ប្ដី​ទាំងអស់គ្នា​ដែរ​។ តែបើ​គេ​គំរាម​អ៊‌ីចឹង មានតែ​គាត់​លះបង់​ប្ដី​សិន ដើម្បី​ឲ្យ​ប្ដី​ធ្វើ​ការចុះ ជួយ​ចិញ្ចឹម​កូន ហើយ​ពួកគាត់​ទៅ​តវ៉ា​ការពារ​ផ្ទះ​”​។​

ថៃ្ងទី ១០ ឧសភា ឆ្នាំ២០១២
ដោយ មិត្តប្រជាប្រិយ
ភ្នំពេញ: ​សហគមន៍​បុរី​កីឡា ក្នុង​ក្រុងភ្នំពេញ បាន​ស្ថិតនៅក្រោម​ការចុះ​ឃ្លាំមើល​ពី​សំណាក់​អ្នករាយការណ៍​ពិសេស ស្ដីពី​សិទ្ធិមនុស្ស​នៅ​កម្ពុជា លោក សុរិយា ប្រាសាទ ស៊ូ​ប៊ែ​ឌី នៃ​ក្រុមប្រឹក្សា​សិទ្ធិមនុស្ស នៃ​អគ្គលេខាធិការ​អង្គការសហប្រជាជាតិ​។ កាលពី​វេលា​ម៉ោង ១២ ថ្ងៃត្រង់ ថ្ងៃទី​៩ ខែឧសភា ឆ្នាំ​២០១២ លោក ស៊ូ​ប៊ែ​ឌី បាន​ចុះទៅ​ពិនិត្យមើល​ស្ថានភាព​ប្រជាពលរដ្ឋ​តំបន់​បុរី​កីឡា ដែល​រស់​នៅលើ​គំនរ​សំរាម ក្រោម​សំណង់​អគារ​ដែល​ពោរពេញ​ទៅដោយ​ភាពកខ្វក់​។​

​បន្ទាប់ពី​ដើរ​ពិនិត្យ​កន្លែង​រស់នៅ ដែលមាន​លក្ខណៈ​មិន​សមរម្យ របស់​ពលរដ្ឋ​បុរី​កីឡា​រួចមក លោក ស៊ូ​ប៊ែ​ឌី បាន​ថ្លែង​ទៅកាន់​ក្រុម​ប្រជាពលរដ្ឋ​ទាំងនោះ​ថា បន្ទាប់ពី​លោក​ឃើញ​ទិដ្ឋភាព​បែបនេះ លោក​មានការ​ព្រួយបារម្ភ​ពី​បញ្ហា​ប្រជាពលរដ្ឋ ដែល​រស់នៅ​តំបន់​នេះ​។ លោក​បញ្ជាក់ថា “​បងប្អូន​មិន​ត្រឹម​តែមាន​បញ្ហា​សិទ្ធិមនុស្ស​ទេ បងប្អូន​មាន​បញ្ហា​ផ្នែក​មនុស្សធម៌​ទៀត ការរស់នៅរ​បស់បង​ប្អូន​នេះ បើ​យើង​ប្រៀបធៀប​សតវត្សរ៍​ទី​២០ នេះ ហាក់ដូចជា​មិន​ត្រឹមត្រូវ​សោះ ខ្ញុំ​មានការ​អាណិតអាសូរ​ដ​ល់បង​ប្អូន​…”​។​

​លោក​បាន​បន្តថា លោក​តែងតែ​តាមដាន និង​ត្រួតពិនិត្យ ហើយ​ឥឡូវនេះ​លោក​មានការ​ព្រួយបារម្ភ បន្ទាប់ពី​លោក​បានមក​ឃើញ​ទិដ្ឋភាព​របស់​ប្រជាពលរដ្ឋ​បុរី​កីឡា រស់នៅ​បែបនេះ​។ ជានិច្ចកាល លោក​តែងតែ​លើក​បញ្ហា​ទាំងនេះ​ទៅជូន​រដ្ឋាភិបាល​។ លោក​បញ្ជាក់ទៀតថា “​ខ្ញុំ​សូម​សន្យាថា នឹង​លើក​រឿងនេះ​តទៅទៀត ដើម្បី​ឲ្យ​រដ្ឋាភិបាល​ថ្នាក់ជាតិ​បាន​ដឹងឮ​។ បញ្ហា​នេះ ខ្ញុំ​មិនមែន​ទើបតែ​តាមដាន​ឥឡូវ​ទេ គឺ​ខ្ញុំ​តាមដាន​យូរហើយ ហើយ​ថ្ងៃនេះ ខ្ញុំ​មានឱកាស​បានមក​ឃើញ​ផ្ទាល់​ភ្នែក នូវ​អ្វី​ដែលជា​ទិដ្ឋភាព​បងប្អូន​រស់នៅ​ទីនេះ​”​។​

ថៃ្ងទី ០៩ ឧសភា ឆ្នាំ២០១២
ដោយ សុជាតិ
ភ្នំពេញៈ រៀងរាល់​ថ្ងៃ ពួក​គេ​ធ្វើ​ដំណើរ​មក​ជាច្រើន​ពាន់​នាក់ ហើយ​ប្រមូល​ផ្តុំ​គ្នា ក្រោម​ពន្លឺ​ព្រះអាទិត្យ​ដ៏​ក្តៅហែង រង់ចាំ​ពេល​វេលា​មួយ​ដែល​ពួក​គេ​ត្រូវ​ចំណាយ​ប្រាក់​ខែ​ជាង ២ ខែ​របស់​ខ្លួន ដើម្បី​ធ្វើ​ដំណើរ​ទៅ​ក្រៅ​ប្រទេស។

លោក សែម ភក្ត្រា អាយុ ២១ ឆ្នាំ បាន​ឆ្លើយ​ថា៖ «គឺ​ប្រទេស​ថៃ» ដោយ​ខំ​ប្រឹង​បើក​ភ្នែក ដោយ​សារ​កម្តៅ​ថ្ងៃ​ក្ដៅខ្លាំង។

លោក និង​យុវជន​វ័យ​ក្មេង ៥ នាក់​ទៀត ដែល​ត្រូវ​បាន​ជ្រើសរើស ដោយ​ក្រុមហ៊ុន​ខេមរា កំពុង​រង់ចាំ​ជាមួយ​នឹង​មនុស្ស​រាប់​ពាន់​នាក់ ដើម្បី​ថត​រូប នៅ​ការិយាល័យ​លិខិត​ឆ្លង​ដែន​ថ្មី​មួយ នៅ​មហាវិថី​ម៉ៅសេទុង រាជធានី​ភ្នំពេញ។

ថៃ្ងទី ០៨ ឧសភា ឆ្នាំ២០១២
ដោយ សុជាតិ(កាសែតក្នុងស្រុក)
សន្ទរកថា​ថ្លែងក្នុងពិធីទទួល​តំណែង​​ប្រ​ធា​នា​ធិបតី​ កាល​ពី​​ថ្ងៃទី​៧ ឧសភា លោក Vladimir Putin បាន​សន្យា​ថា លោក​​ជា​​មួយ​រដ្ឋ​​អំ​ណាច​ថ្មី​ នឹង​​ប្រឹង​​ប្រែង​​ដឹក​នាំ​​ប្រ​ទេស​​ឈាន​​ឆ្ពោះ​​ទៅ​មុខ​ បង្កើន​​លទ្ធិ​​ប្រ​ជា​ធិប​តេយ្យ​ និង​លើក​ទឹកចិត្ត​ដល់​ពលរដ្ឋ​រុស្ស៊ី សកម្ម​ចូល​រួម​គ្រប់គ្រង​ទឹកដី ក៏ដូច​ជា​ការ​ដោះ​ស្រាយ​ការ​លំបាក​ ដែល​ប្រឈម​មុខ​ កំពុង​ចោទ​ឡើង ។

លោក​ថ្លែង​ថា ក្នុង​បណ្តា​ឆ្នាំ​ខាង​មុខនេះ មានលក្ខណៈ​កំណត់​ ចំពោះ​ប្រទេស​រុស្ស៊ី ក្នុង​ការ​ស្ថាប​គ្រឹះ​សំរាប់​អនាគតរបស់មនុស្ស​ជំនាន់​ក្រោយ និង​ក្តី​សង្ឃឹម​ក្នុង​កិច្ច​កសាង​ប្រទេស​ ។

ប្រធានាធិបតី​ថ្មីរូបនេះ បានអះអាង​ថា អនាគត​របស់​ប្រទេស​ជាបឋម​ចំណុះ​ទៅលើ​ពលរដ្ឋ​រុស្ស៊ីទាំងមូល ផែនសាមគ្គីភាព​ សំដៅ​ពុះពារ​អនុវត្ត​ឲ្យ​បាន​នូវ​លទ្ធផល​ជាក់ស្តែង​ ដើម្បី​អភិវឌ្ឍ​សេដ្ឋកិច្ច​ថ្មីមួយ ព្រម​ទាំ​ការ​កសាង​ស្តង់ដារ​ជីវិត​បែប​ទំនើប ។

ដោយៈ ឆាំ ឆានី ០៦ឧសភា ២០១២ http://www.kmn-radio.com/
បន្ទាប់ពីមានសម្ភាធយ៉ាងខ្លាំងពីសហគមន៍ជាតិ និងអន្តរជាតិ មក លោក ហ៊ុន សែន បានបង្ខំចិត្តយ៉ាង កត់ក្រហល់បង្កើតឲ្យមានគណះកម្មាធិការបំភ្លៃការពិតមួយដើម្បី ធ្វើការស៊ើបអង្កេត ចំពោះការបាញ់ សម្លាប់វីរជនព្រៃឈើ ឈុត វុទ្ឋី ហើយលទ្ឋផលចេញមកមិនខុសពីការរំពឹងទុកឡើយ គឺខ្មោចជាអ្នក ទទួលកំហុស ។ លោក ឈឹម ណាវុធ មន្ត្រីអ្នកសម្របសម្រួលគំរោងពង្រឹងកិច្ចការសហគមន៍នៃ មជ្ឈមណ្ឌលសិទ្ឋិមនុស្សកម្ពុជាបានឲ្យដឹងថា ដោយទ្រាំមិនបាននូវអំពើ ដ៏អយុត្តិធម៍ចំពោះលោក ឈុត វុទ្ឋី និងសកម្មជនការពារព្រៃឈើដ៏ទៃទៀត ព្រមទាំងប្រជាពលរដ្ឋស្លូតត្រង់ ទើបប្រជាសហគមន៍ យ៉ាងតិច៦០០នាក់ រួមទាំងមន្រ្តីថ្នាក់ដឹកនាំអង្គការសង្គមស៊ីវីល អ្នកពត៍មាន វិទ្យុ និងទូរទស្សន៍ អន្តរ ជាតិមួយចំនួន សម្រេចចិត្តធ្វើដំណើរ ទៅជួបជុំគ្នានៅកន្លែងដែល ឃាតករ បាញ់សម្លាប់លោក ឈុត វុទ្ឋី ក្នុងចំណុចវាលបី ភូមិកោះបោះ ឃុំបាក់ខ្លង ស្រុកមណ្ឌលស៊ីម៉ា ខេត្តកោកុង នៅថ្ងៃទី០៩ ខែឧសភា ឆ្នាំ២០១២ ខាងមុខនេះ ចំនួន៤ថ្ងៃ ដើម្បីធ្វើការបួងសួងសុំយុត្តិធម៍ និងស៊ីបអង្កេតរកភស្តុតាងបន្ថែម ចំពោះការបាញ់សម្លាប់ និងការកាប់បំផ្លាញព្រៃឈើ ​។ ព្រោះថា លទ្ឋផលនៃការស៊ីបអង្កេតរបស់រដ្ឋា ភិបាលកន្លងមកនេះ យើងមិនជាចទទួលយកបានឡើយ ដោយហេតុថាការស៊ីបអង្កេតនេះ គ្រាន់តែជា ការបង្កើតនូវ វប្បធម៍និទន្ទភាពបន្ថែមទៀត និងលើកទឹកចិត្តដល់ក្រុមឃាតករ ព្រមទាំងពួកឧក្រិដ្ឋ ជនព្រៃឈើប៉ុណ្ណោះ ។ លោកបានបន្តរថា បន្ទាប់ពីពិធីបួង សួងនិងរកភស្តុតាងបន្ថែមទាំងបួនថ្ងៃត្រូវ បញ្ចប់ លោកនិងយកភស្តុតាងទាំងនេះដាក់ជូនរដ្ឋាភិបាល ដើម្បីសុំឲ្យមានការ ស៊ើបអង្កេតប្រកបដោយ យុត្តិធម៍ ពិតប្រាកដ និងបញ្ឈប់នូវការកាប់បំផ្លាញព្រៃឈើ ។ ចំពោះព៍តមាននេះអ្នកយកពត៍មានយើង មិនអាចសុំការបំភ្លឺពីតំណាងរដ្ឋាភិបាល និងមន្ត្រីពាក់ពន្ឋ័បានឡើយ ថាតើរដ្ឋាភិបាលត្រូវចាត់វិធាន​ការ​បង្រាបការ​ជួបជុំដោយហឹង្សាឬយ៉ាង​ណានោះ នៅថ្ងៃទី០៦ ខែឧសភា ឆ្នាំ ២០១២នេះ ។ តាមការកត់សម្គាល់ រាល់ករណីធ្វើឃាត មកលើមន្ត្រីអង្គការសង្គមស៊ីវីល ដែលការពារ ផលប្រយោជន៍កម្មករ ប្រជាពលរដ្ឋ អ្នកនយោ​បាយ និងអ្នកសិល្បជាដើម រដ្ឋាភិបាលលោក ហ៊ុន សែន មិនដែលរកឃើញឃាតករ និងអ្នកនៅពីក្រោយ ឃាតករឡើយ តែអ្វីដែលរដ្ឋាភិបាលនេះរកឃើញនោះ គឺឃាតករសិប្បនិម្មិត តួយ៉ាងការសម្លាប់វីរជន​កម្មករ ជា វិជ្ចា ជាដើម ។